كلية حقوق طنطا

مع تحياتى/ أمير محمد الخرادلى


    شلبي وشلبية .. **الجزء التاني**

    شاطر
    avatar
    gehad

    انثى
    عدد الرسائل : 209
    العمر : 26
    تاريخ التسجيل : 07/04/2009

    شلبي وشلبية .. **الجزء التاني**

    مُساهمة من طرف gehad في الخميس أغسطس 27, 2009 1:36 pm

    المحاضرة الثانية

    هو ...... ومعشر النساء






    أكيد الزوج يتمنى ان زوجته تبقى أفضل النساء ... طبعا ده حقه ، لكن بعيد عن جرح الاحساس ومقارنتها بالناس ،

    ممكن يطور منها ويرفع من شأنها ويعمل منها ستار بس مش كده الحوار...


    شلبي : انتي نسيتي تحطي ملح على الشوربة ؟؟؟

    شلبية : لا والله حاطة .... بس أنا مارضيتش أكثر علشان ما يعلاش عليك الضغط .

    شلبي : طيب بس ماتحلفيش .... ناوليني الملح .

    شلبية : اتفضل الملح .

    شلبي : هو الفلفل الاسود خلص ؟؟؟

    شلبية : لا .... عندنا لسة كثير ...بس ليه السؤال ؟؟؟

    شلبي : طيب ولا سعره غلى ؟؟؟

    شلبية : فهمني بس أيه اللي حصل !!!

    شلبي : أصل الفراخ معاليهاش فلفل خالص !!!

    شلبية : أنا حاطاه على جنب علشان تحط منه براحتك .

    شلبي : طيب .... والفراخ محمراها قوي زي اللي ميتة محروقة كدا ليه ؟؟؟؟

    شلبية : بالعكس دا أنا محمراها نص تحمير .

    شلبي : أنا عايزك تحمريها زي اللي أكلناها عند مراة حامد الاسبوع اللي فات .


    شلبية : وفيها أيه زيادة اللي بتعملها مراة حامد عن دي ....

    بالعكس دي كانت محمراها بزيت سمك وكان طعمها زفر بس أنا مارضيتش أتكلم .

    شلبي : اتقي الله وماتغتبيش الناس ... وبعدين أنا عايزك تحمريها في زيت سمك ...

    بس اسأليها عن الطريقة علشان ما تعكيش ونرميها .

    شلبية : وهو احنا كنا رمينا ايه قبل كده ؟؟؟؟

    شلبي : انتي مالقيتيش في السوق بامية مقاس بيبي ؟؟؟ مافيش غير كيزان الذرة دي ؟؟؟

    شلبية : دي مقاس زيروا ... مفيش بامية في السوق أصغر من كده .

    شلبي : أومال اللي أكلناها عند مراة سمير كانت جايباها معاها من النمسا ؟؟؟

    شلبية : انت شايف ان البامية بتاعت مراة سمير اللي قد الخيار أصغر من دي ؟؟؟

    شلبي : قولنا حرام عليكي ماتغتبيش الناس .

    شلبية : ماهو انت اللي بتنكش ...

    شلبي : والليمون ليه ماعصرتيهوش على البامية ؟؟؟

    شلبية : أنا قولت جايز مش عايز على البامية ليمون ، وجبتها هنا علشان أعصرهالك لو حبيت .

    شلبي : انتي مش عارفة اني حساس وجسمي بيقشعر لما حد يعصر قدامي ليمون ؟؟؟

    شلبية : ياريتك حساس في الكلام اللي بتقوله كمان .

    شلبي : بتقولي أيه ؟ ... علي صوتك مش سامعك ...

    شلبية : مفيش ... بقول حسبنا الله ونعم الوكيل .

    شلبي : طيب اعملي لي كوباية شاي مظبوطة زي اللي بتعملها مراة خالد .

    شلبية : والله يا ريت توصف لي بتاعة مراة خالد ؟؟؟



    شلبي : والله صعب جدا أوصفهالك... غامض اللون يكتنفه السكون ،

    تسبح بين شواطئه العيون ، تأبى الشفاة فراقه كعاشق مجنون . شهد مذاقه اذا لامست حلاوته اللسان .

    دفئ حرارته اذا لامسه البنان . أسير في سجنه اذا طاوعته الجنان .

    شلبية : ايه قلة الأدب دي ... انت بتوصف الشاي ولا شفايف الي عاملة الشاي ؟؟؟

    شلبي : انتي مصممه تاخدي سيئات من الكلام في سيرة الناس .

    شلبي : انتي ليه ما بتفرديش شعرك زي صاحبتك سعاد ، ولا بتحطي مونوكير لون اظافر الفنانة نهاد ،

    وياريت تلبسي عقد زي اللي في رقبة الدكتورة وداد ، وغوايش شبه اللي في أيد أختك ريناد ؟؟؟.

    شلبية : لما تنظف أسنانك وتبقى بيضة زي أسنان صاحبك فؤاد ،

    وتسرح شعرك وتعمل اوصة زي الفنان اياد ، وتحط برفان زي اللي بيستعمله الدكتورعماد ،

    وترسم شنبك زي أخوك زياد .

    قصر الكلام ... زي مانت ليك جوز عيون زوجتك كمان ليها نفس العيون ،

    وياريت ما تطلبش من زوجتك اللي ماطلبتهوش منك
    avatar
    mustafa alazhary

    ذكر
    عدد الرسائل : 105
    العمر : 26
    الموقع : elm.brator@hotmail.com
    العمل/الترفيه : طالب
    المزاج : very good
    تاريخ التسجيل : 08/12/2009

    رد: شلبي وشلبية .. **الجزء التاني**

    مُساهمة من طرف mustafa alazhary في الأربعاء يونيو 02, 2010 11:05 am

    هههههههههههههههه
    هم الى بيطلوبوا على طولللللللللللللللللللللللللل
    وجامد جدا


    _________________

      الوقت/التاريخ الآن هو الأحد أغسطس 20, 2017 5:17 pm