سلسلة "مدرج لحد البيت" بالكامل

النهاردة ان شاء الله هبدأ معاكم الموضوع الأول فى سلسلتى"مدرج لحد البيت"

الأول نعرف مع بعض يعنى ايه "مدرج لحد البيت"؟

"مدرج لحد البيت"دى هتبقى سلسلة مواضيع متتالية تصدر نهاية كل اسبوع فيها وصف شبه تفصيلى لما تم فى الأسبوع الدراسى يعنى مين الدكتور اللى دخل؟... ودخل امتى؟... وشرح ايه؟..... ومن صفحة كام لكام؟.... ولغى ولا لأ؟ ........................... الخ

طبعا انا عارف ان الفكرة جت متأخرة شوية لكن الحمد لله انهم اسبوعين بس فبسم الله نبدأ......

-------------------------------------

يوم الأحد:1/3/2009

المحاضرة الاولى: لم يدخل د. مصطفى ابو عمرو فى المدنى واعتذر فيظل عند ص41 تقريبا"الجزء الخاص بفتح المطلات"

المحاضرة الثانية: دخل د.مدحت عبد العزيز فى البيئة وطبعا زى ماحنا عارفين البيئة 4 اجزاء فى الكتاب وهم :

1-مدنى من ص11 الى ص88 2- ادارى من ص89 الى ص175

3- جنائى من ص171 الى ص328 4-دولى من ص329 ال ص410

والملاحق اللى فى اخر الكتاب دى متهيألى ملهاش لازمة

المهم : دخل د. مدحت عبد العزيز وشرح من ص171 الى ص186



يوم الاثنين:2/3/2009

المحاضرة الاولى: دخل د. عمرو حسبو فى البيئة "انا عارف انه مش يومه" بس هاتقولوا ايه مانتوا عارفين ده نظام الكلية اى حد يخش فى اى وقت

المهم: شرح من ص 89 الى ص 129

المحاضرة الثانية: دخل الدكتور / عمرو الوقاد فى الجنائى وطبعا الجنائى مادة ممتدة يعنى من التيرم الأول

وطبعا برضة انتوا عارفين انه مخلص كتاب فى التيرم الأول وهوكتاب "اللدعوى الجنائية" وبدأ التيرم الثانى فى كتاب "التحقيق الجنائى"

المهم: شرح من ص63 الى ص 99

هتسألونى عن الدكتورة نبيلة هاقولكم انها اعتذرت بس هي واقفة عند الجزء الخاص بالكفالة العينية



يوم الثلاثاء:3//2009

المحاضرة الاولى: دخل د.بليغ وطبعا كان واصل فى المحاضرة اللى قبلها لحد ص117 فى كتاب الدولى الخاص الصغيرفشرح من ص117 لحد ص123 والطلبة بدأ صوتها يعلى ويقلوا ادبهم راح اتنرفز وساب المحاضرة وقال "انا كنت هالغيلكم جزء بس انتوا متستاههلوش وخرج"

المحاضرة الثانية: دخل الدكتور ايمن ابو حمزة فى الادارى واظاهر انه كان يوم النرفزة العالمى فعمل نفس اللى عمله د.بليغ وقال "اناهاجيب فى الامتحان سؤال اجبارى وهاجيب قضية وعليها 8 درجات واللى هيغلط فى حرف واحد فيها هيسقط"



يوم الاربعاء:4/3/2009

المحاضرة الاولى : دخل د. محمد ابراهيم فى البحرى وجوى من بدرى اوى يعنى من 9.30 لحد 11.30 وشرح لحد ص96

المحاضرة الثانية: دخل د.جمال الكردى فى كتاب الدولى الخاص الكبير وطبعا انتوا عارفين ان الدولى الخاص مادة ممتدة من التيرم الاول فمش فاضل كتير فى الكتاب يعنى حوالى كدة 60صفحة ويخلص انا مش عارف بالضبط فهو كان بادىء من اول التيرم ده مراجعة على اللى شرحه فى التيرم الاول فسأل الطلبة نشرح جديد ولا نكمل مراجعة؟فاستقرينا ان احنا نكمل مراجعة فراجع الجزء الخاص بقواعد الاسناد

-------------------------------------------------------------

كدة يبقى الاسبوع ده خلص اعذرونى لو كنت قصرت وادعوا لى لو كنت افدت

مستنى ارائكم وردودكم

وعلى فكرة الحاجات دى نتاج حضورى الشخصى او حضور ناس محترمة وثقة لأبعد الحدود

تسلم ايديك يا ابو طاهر
وجزاك الله كل خير

حقيقى الله ينور وانت جبت المدرج فعلا لحد عندنا ربنا يكرمك ويكرمنا جميعا

شكرا عالردود الجميلة ويارب يكون فيه استفادة فعلا

السلام عليكم ورحمة الله وبركاته

النهاردة ميعادنا مع الموضوع الثانى من سلسلة "مدرج لحد البيت"

بس انا ليا عتاب صغير عليكم : ايه يا جماعة؟؟.. فين الردود الحلوة عالموضوع اللى فات ؟؟مفيش كلمة تبل ريق الواحد ولا حتى كلمة شكر للناس اللى تعبت معايا فى الموضوع..!!

عالعموم انا املى كبير انكم هتردوا عالموضوع وتقولولى رأيكم.

وانا حابب اشكر اخويا "meroelmassry" واخويا "DAMcommerce" على ردودهم الحلوة

المهم بسم الله نبدأ الموضوع

يوم الأحد:8/3/2009

المحاضرة الاولى :دخلت د.نبيلة فى المدنى وشرحت جزء فى الكفالة بس برضه مش قادر احدد هى شرحت لحد صفحة كام لأن بحس ان شرحها سايح شويه وبيكبس عليا النوم فى محاضرتها

المحاضرة الثانية : دخل د.مصطفى ابو عمرو فى المدنى , ونبه على بحثى المدنى والبيئة وقال ان اخر ميعاد لهم يوم الأثُنين متل اللى جاى معرفش بقى كان قصده على يوم16/3 ولا 23/3 عالعموم نخلينا فى الأحوط دلوقتى لغاية ماتأكد واقولكم فى اقرب وقت ,,, ثم شرح حوالى 35 دقيقة وبعدين اتصلوا بيه فى البيت وقالوا ان بنته بلعت دبوس فاضطر ان يعتذر و مشى . ادعوا لبنته بالشفاء

المهم:شرح من ص44 الى ص48

المحاضرة الثالثة: دخل د.مدحت عبد العزيز فى البيئة "الجزء الخاص بالجنائى"

المهم: شرح من ص211 الى ص274

والمفاجأة انه........... لغى من ص186 الى ص210 ومن ص218 الى ص231 ومن ص238 الى ص274



يوم الاثنين:9/3/2009

كان اجاااااااااااااااااااااااازة المولد النبوى الشريف كل سنة وانتم كلم طيبين وبألف صحة وفى طاعة دايما



يوم الثلاثاء: 10/3/2009

المحاضرة الأولى : دخل د.بليغ وشرح من ص123 الى ص150 ونبه على حكاية البحث اللى انا قلتلكم عليه فى موضوع "عاجل جدا"

مفيش محاضرة ثانية لأن د.ايمن أبو حمزة فى الادارى لانه كان معتذر من يوم الاحد



يوم الاربعاء:11/3/2009

المحاضرة الاولى: دخل د. محمد ابراهيم فى البحرى والجوى وشرح من ص96 الى ص130 وأملى 3 اسئلة علشان نجاوب عليهم فى البحث لان زى مانتوا عارفين ان ورقة البحث بتاعة البحرى والجوى فاضية مافيهاش اسئلة

الاسئلة دى انا هانزلها فى موضوع مستقل ان شاء الله بس لما تكمل

المحاضرة الثانيه: دخل د. جمال الكردى فى الدولى الخاص وراجع برضه

وبكده نكون خلصنا الموضوع التانى

الى اللقاء فى الموضوع الجاى

السلام عليكم ورحمة الله وبركاته

كل سنة وانت طيب ياابو طاهر
وجزاك الله كل خير
ومحتاج منك اسئلة الابحاث الله يرضى عليك

بجد الله ينور على الشغل الجامد ده
وجزاك الله كل خير

تسلم الايادي يا ابو طاهر

الله ينورعليك
وجزاك الله كل خير على المجهود المبذول
لكن هناك رجاء هو دقة الملغى حتى لا يترتب عليه اى ضرر
والف شكر حقيقى على المجهود يا ابو طاهر

شكرا امير عالرد الطيب
وماتقلقش الملغى كله من حضورى انا تقريبا ..ولو لجأت لحد فمابلجأش الا للناس الثقة اللى سمعوا بودنهم
ولو فى اى تقصير او شك "لا سمح الله"ابقى بلغنى وان شاء الله ده مش هايحصل لأنى زى ما قلت مابحطش الا الحاجة اللى واثق منها

الف شكر مرة تانية على حسن المتابعة وانا واثق فيك لكن كانت محاولة للتاكيد
وشكرا

شكرا يا جميل
تقبل اجمل وارق تحياتى

خليل

السلام عليكم ورحمة الله وبركاته,,,,

اليوم .. مع الجزء الرابع من سلسلة "مدرج لحد البيت"

وشكرا جزيل الشكر لكل من ساهم فى الرد على المواضيع السابقة.

بسم الله,,



الاحد22/3/2009

المحاضرة الاولى : دخل د. مصطفى ابو عمرو متأخر شويه لانه كان تعبان شويه بس الحمد لله فاق وبدأ يشرح , بس ماشرحش كتير يعنى حوالى 23 صفحة من ص96 لحد ص119 ده بجانب فاصل من الضحك الهيستيرى

وامد ميعاد بحثى المدنى والبيئة ليوم 31/3/2009 , كما علق على الاشاعات التى انتشرت بأن النتيجة وحشة ونسبة الشريعة40% بان الكلام ده كله لا اساس له من الصحة وان محدش يعرف حاجة عن النتيجة خالص وان النتيجة لازم لاتقل عن50% وان ميعادها بالكتير جدا على الاسبوع الثانى من شهر4 ان ماكانش قبل كده

المحاضرة الثانية : دخل د.مدحت عبد العزيز فى البيئة وقال انها اخر محاضرة فى الجزء الجنائى وخلص بالفعل لحد ص324 . كما اعاد ذكر ما تم الغاؤه وهو:

من ص187 الى ص210

من ص218 الى ص231

من ص238 الى ص274

من ص279 الى ص299



الاثنين23/3/2009

المحاضرة الاولى : دخلت د. نبيلة رسلان فى المدنى طبعا انتوا عارفين النظام ووصلت لحد ص313

المحاضرة الثانية : د. عمرو الوقاد فى الجنائى اعتذر



الثلاثاء24/3/2009

المحاضرة الاولى : دخل د.أيمن أبوحمزة فى الادارى وشرح لحد ص207 تقريبا

المحاضرة الثانية : اعتذر د.بليغ فى الدولى الخاص



الاربعاء24/3/2009

المحاضرة الاولى : دخل د.محمد ابراهيم فى البحرى والجوى حوالى الساعة 9.20ص وشرح لحد ص207

ومهد للمحاضرة القادمة وهى بعنوان "مسئولية الناقل البحرى"

المحاضرة الثانية :دخل د.عمرو الوقاد فى الجنائى وبدأ فى الكتاب الثالث والأخير بعنوان "نظرية الحكم فى الدعوى الجنائية" وشرح من الأول لحد ص53 كما لغى من ص20 لحد ص35.

المحاضرة الثالثة : دخل د.جمال الكردى فى الدولى الخاص بس للأسف انا خرجت فى نصف المحاضرة لأنى كنت فصلت بس هو ماشرحش جديد يعنى كمل مراجعة برضه ده لحد ماكنت خارج



وخلص الاسبوع ده على خير

اشوفكم الاسبوع الجاى ان شاء الله

لا تنسونا بصالح الدعاء والردود الحلوة

الف شكر يا ابوطاهر على المجهود الجامد

الف شكر وربنا يوفئك
ويوفئنا جميعا

طيب ممكن يحصل نفس الحكايه مع الفرقه الثانيه

قريبا ان شاء الله

بسم الله الرحمن الرحيم,,,

بداية... باقة ورد رقيقة لجميع الزملاء الذين نجحوا وبالتوفيق دائما ان شاء الله.

النهاردة ميعادنا مع الجزء الخامس من سلسلة "مدرج لحد البيت".



الأحد29/3/2009

المحاضرة الأولى :دخل د.مصطفى أبو عمرو فى المدنى وشرح من ص119 لحد ص152 وقال انه عايز يخلص الكتاب بتاعه عشان يكمل شويه مع د.نبيلة فى كتابها وعشان سيبدأ فى الجزء المدنى فى كتاب البيئة

المحاضرة الثانية :دخل د.مصطفى قنديل فى السكاشن "جزء التنفيذ" ويدوب مكملش دقيقة واتزهق وقال الكتاب كله مشروح وسابنا ومشى



الأثنين30/3/2009

المحاضرة الأولى :دخل د.عمرو الوقاد فى الجنائى وشرح لحد ص93 طبعا فى الكتاب الثالث.

المحاضرة الثانية :دخلت د.نبيلة رسلان فى المدنى وشرحت حوالى ساعة الا ربع ووصلت لحد ص214

بس لغت من ص163 لحد ص166 ومن ص199 لحد ص214

المحاضرة الثالثة :دخل د.عمرو حسبو فى البيئة وقعد حوالى 20 دقيقة شرح فيهم جزء بسيط حوالى 9 صفحات بس مش متأكد بالضبط هو وصل لحد فين



الثلاثاء 31/3/2009

المحاضرة الأولى :دخل د.أيمن أبوحمزة فى الأدارى وشرح لحد233 تقريبا

ولغى من ص212 لحد ص217

المحاضرة الثانية :اعتذر د.بليغ حمدى فى الدولى الخاص



الأربعاء1/4/2009

المحاضرة الأولى :دخل د.محمد ابراهيم فى البحرى والجوى من الساعة9.30 لحد الساعة 12.00 شرح متواصل وشرح من ص207 لحد ص256 وأكد على اهمية هذه المحاضرة

المحاضرة الثانية :اعتذر د.جمال الكردى فى الدولى الخاص





والقاكم على خير الاسبوع القادم

اناشدكم الدعاء والردود

جزاكم اللة خير وشكرا لمجهودك الكبير

الف شكر يا ابو طاهر وشكرا على المجهود

ربنا يخليك يابوب والف شكر على المجهود الجامد دة وخليك كدة على طول

مشكووووووووووووووووووووووووووووووووووووووووووور